Folge 25: Von Tunnel unn Löcher - es Lewe is e Schweizer Käs
Licht am Ende des Tunnels – was e Glück! Der do Tunnel liet awwer jetz nit in de Schweiz, sondern im Nahetal, uffere Art Geheimstreck für Kenner unn Ingeweihte. Er is aach kä Zugtunnel, im Gejeteil! Am Fuß von de frühere Owwerhausener Domäne, em jetziche Weingut Hermannsgberg geht e wildromantischer Weg anne, parrallel zur Bahnsteck unn wo der Weg unner de Bahn durchgeht, is das do Fotto gemacht.
Doro Betz
Wie ich neulich de Paul getroff honn, hatte mer beide e zimmlicher Durchhänger unn als mer uns heut widder begejent sinn, wollt ich wisse, ob’s ihm schonn besser ging. Er sat, er det Licht am Ende des Tunnels siehn. Dann hott er gefrot, wie’s mir ging. Ich sat: „Paul, um bei deinem Bild zu bleiwe: Ich komm mer vor, wie wenn ich middem Zug durch e Tunnel fahre unn der Zug fährt unn fährt unn ich denk schonn die ganz Zeit: Ja, nimmt das dann gar kä End? No ja, awwer irjendwann nimmt’s doch e End unn ich siehn Licht am Ende des Tunnels, so wie du.
Aktualisiert am 25. Juli 2013 08:06 Uhr
Unn wie de Zug ausem Tunnel rauskimmt, muss ich erscht emol die Aue zupetze, weil mich es Licht so blend’t unn während ich mich noch freu wie e klän Kind, dass ich endlich ausem Dunkele draus bin – zack, schonn is de Zug im nägschte Tunnel drin unn der is drei Mol so lang wie der von ewe.
