Folge 33: Die Merxummer Sammaritter - von de Hilf, die mer brauch, die Karre aus em Dreck zu ziehe
Zwä von de viele Merxummer Sammaritter: die Alexandra Erbeldinger unn de Michel Kuhn.
Gerhard Engbarth
Seit 2004 mach ich Qi Gong bei de Fraa Dockter Jacob. Das spricht mer „Tschi Gung“ unn is chinesisch Gymnastik, nit nur für de Körper, sondern aach für Geist unn Seel unn so. Die Grupp besteht aus zwölf Fraue unn mir. Oft geht’s zu wie in de Schul.
In de letscht Stund vor Weihnachte hommir e Weihnachtsfeier unn vor de große Ferije e Abschlussfeier, wo mir aach Zeuchnisse krien, awwer ohne Note! Do steht nur drin, dass mir teilgenomm honn – für die Krankekass.
Dies Johr war die Abschlussfeier bei de Kira Keller in Merxum.
